Proud

Lower Hutt, New Zealand

#1634 Aug 11, 2013
Tautoga Gausia

Le oneone o le toafa e fulisa’i e fisaga
Ae faomalo le lagaali i fugala’au sasala
O le manava o le eleele le tali o le ola
E fa’apena le loto ua gausia i le alofa

A fa’auliulito le fatu e gaua’i le agaga
O ala ia o le tama e momo’o i le tausala
A matala le tu’ugamau e noa fo’i le oti
Pe a gausia le tautoga na faia i le fa’amaoni

E tele fetu ae i luga o paneta folau
O uiga ia o le alofa ua fa’ananau
E pei o upu o le mavaega i le vai mutia
O lou titi ma lou pale o le a ou saunia

E funa e o le a ou tu mai i Tafa’ilagi
Ou te fa’ataupupula ia oe o la’u arasi
E sei oe i lo’u alofa ia e mafana i le la sulugia
Ae teu i lo’u tu’ugamau o la’u tutoga gausia x2

Taufau Gardenia Aukuso
&fe ature=c4-overview&list=UUy _7kRMCn_4iUiYv2SteWsA
Proud

Lower Hutt, New Zealand

#1635 Aug 11, 2013
Fa'asaoga o le laina lona tolu o le first verse.....

E i le manava o le eleele le tali o le ola instead of o le manava..

Fa'afetai
Proud

Lower Hutt, New Zealand

#1636 Aug 13, 2013
Tali Susana Siaosi (Tauga apu)

Lo ta maasiasi ua iloa uma ita e le lalolagi
I la ta tauga ’apu na ou sau ai mo se lumana’i
A o lea Siaosi ua le lava lau pusa onosa’i
Ko’a kolu masina o le malaga ae oso lou ma’i

Na ou mauaina lava o talatalanoa ai le aumalaga
Ae ou te le i amana’iaina aua e i ai fo’i leisi Susana
O ia tonu lena fai mai o Akamu lona to’alua
Ae leai o a’u moni lava lea o Susana Siaosi lo’u igoa

Ali’i Siaosi ua maka’ukia lou le mafaufau
I si nei toeaina ua matua toe a fuli i le tu’ugamau
Ma lou masalosalo ae ua to’alima si a ta fanau
Ma la’u tala lea i lau uo tama aua e te aia lou mea le au

Lo ta maasiasi ua iloa uma ita e le lalolagi
I la ta tauga ’apu na ou sau ai mo se lumana’i
A o lea Siaosi ua le lava lau pusa onosa’i
Ko’a kolu masina o le malaga ae oso lou ma’i

Se’i va’aia i le ata ae ua pa ai ali’i lau Te Vaka
Ae o le po fiafia sa fai na i ai uma le au malaga
Lea na fa’ai’u ai i le ma soa ma le ta’ita’i malaga
Na ala ai ona ma u’ulima ona o le pese fo’i lele a le TaTiana

U’u lo’u lima se i ta ulufale atu
I le faitoto’a o le alofa
Ta sa’oloto ai i lenei olaga
Ma fai o ta mo’omo’oga

O lea la sau tala a o le mafua’aga na o le ata
Lele ua talasua ai tagata ia oe ma lau ulu lapalapa
Ou te ofo fo’i i lou le ma ma ta’u mai o oe o le pagota
Fa’atali mai ou te fo’i atu toe tipoti oe i Tutuila

Lo ta maasiasi ua iloa uma ita e le lalolagi
I la ta tauga ’apu na ou sau ai mo se lumana’i
A o lea Siaosi ua le lava lau pusa onosa’i
Ko’a kolu masina o le malaga ae oso lou ma’i

Te le toe maua a’u i le Bebo lea ua ou i luga o le Facebook
Ua sui ai fo’i ma lo’u igoa lo’u lauulu ua pupu’u
Ma ia e iloaina le agalelei o si nei toeaina
E fai a’u ma le fa’apelepele toe alofa ia ita x2

Malie ia lou loto Siaosi ia e fa’amagalo ita
O lau Susana lea ua tau o le lua masina x2

Robyn Akari
&fe ature=relmfu
Proud

Lower Hutt, New Zealand

#1637 Aug 13, 2013
Tatala Maia Le Avei

Tatala maia le avei
Avea oe e fai ma o’u sei
I’o le fatu o oe o le taimane
Sao i matau i ou lotoifale
Agi maia le matagi
Momoli mai le tali
Toto le alofa fuatele ia mafala
Tuaoi e muta ai mea uma

Ua iso i manatu ia oe honey
Molimau le lagi i lo’u fa’amaoni
Augafa’apae e sei i le mamalu
Tamali’i oe tausili ai manatu

Fesili i le eleele le taunu’uga po’o fea
Musu e tali ia moni le alofa valea
Solomona i lona alofa na fa’afiti lona poto
Se’epa na tia’i le mamalu ae tatala lona loto

Afio atu a o fa’alao le masina
Se'i mate le fetu pe moni o le Aniva
Tia’i le la’oai afio i lou afeafe
Le falute i sola e tasi ai la’u mate

Ua momo’o ia so’o eleele le lagi
Ta fia tolauapi i le malu afiafi
Tatala mai i le ato ponapona
Sa’ili se oso funa ea tatala maia o lou loto x2

Funa ea tatala maia o lou loto x2

Emi Fruen
&fe ature=related
Yeah

Glebe, Australia

#1638 Aug 15, 2013
A lot of these songs have already been posted?
Proud

Lower Hutt, New Zealand

#1639 Aug 15, 2013
Yeah wrote:
A lot of these songs have already been posted?
E leai se afaina o le toe post o pese. E sili lena e maua ai le fiafia o le loto ma le mafaufau i lo'o le fa'aoga sese o le taimi e taufa'aleaga ai i isi usoatagata e le maua ai se fealofani ma se mea aoga.

Manuia le fa'aiuga o le vaiaso.
Proud

Lower Hutt, New Zealand

#1640 Aug 21, 2013
Oe Mo Ita

Baby fai mai sau tala
Talanoa ma fa'asoa mai ou mafafauga
Po'o tumau o sou manatu
Mo ita nei ou te fa'atali atu
Sou alofa la'u pele ea
Mo ita mo ita

Ua le manogi se mea e ai
Pologa ita i le fia vaai
Lagona fo'i e le tino le vaivai
Fia tepa tasi i ou foliga
I le susulu mai o le masina
A'o e opo ita i ou lima
O oe mo ita o oe mo ita
O oe mo ita o oe mo ita

Se amuia oe
Ai e sa'o ma fiafia lou loto e
Ae leiloa mai ita nei
Leai se fiafia o le olaga nei
Ua na o oe

Baby Julie ou te onosa'i
Se aso e fa'atasia ma fa'atasi
A o le pese lenei mo oe
Ia e iloa ai o lou loto e
Ua na o oe i lo'u fa'amoemoe
Ua na o oe ua na o oe

Ua le manogi se mea e ai
Pologa ita i le fia vaai
Lagona fo'i e le tino le vaivai
Fia tepa tasi i ou foliga
I le susulu mai o le masina
A'o e opo ita i ou lima
O oe mo ita o oe mo ita
O oe mo ita o oe mo ita x3

Pauga Ta'i Logoipule
Chinese Man

Surrey, Canada

#1641 Aug 21, 2013
my favourite poly song is tiny bubbles, pearly shells, all don ho music
Proud

Lower Hutt, New Zealand

#1642 Aug 21, 2013
Rosa Nofo Tasi Maia

Oh Rosa nofo tasi maia mai lou moega
Ua leva o le po toe mamao fo'i lo'u aiga
Ua pepe moli toe malulu o le po
Rosa ia e alofa tali lau malo

Oh Rosa se'i e tali o'u puapuaga
Te le mana'o i se tupe ae ia ta o i lo'u va'a
Ou te le mana'o fo'i i se inu po'o se tausami
A e misia a'u e sili atu le aluga i se ma'a

A o le tafuga afi ua mu saesae
O lo'o tu mai pea i o'u luma ou foliga
Ua misia oe le tele o uo ma oe lo'u au
Male mafanafana o oe Rosa la'u tausala

Ae ma'umau pe ana tumau pea le lololo
Ma le matagofie o mea uma i o ta loto
O’u mafaufauga ia oe sweetie pei o se honey
Rosa e le na o a'u na maua ai i lea ma'i

Oh Rosa nofo tasi maia mai lou moega
Ua leva o le po toe mamao fo'i lo'u aiga
Ua pepe moli toe malulu o le po
Rosa ia e alofa tali lau malo
Tofa oe Rosa tofa

Punialava’a
Proud

Lower Hutt, New Zealand

#1643 Aug 23, 2013
E Lau Afioga e

Faipule fa’amalo o lou tofi o le to’oto’o ma le fue
O le leo o le itumalo fa’afetai mo auala galue
O so’u leo fa’atauva’a e fai ma sui o si a’u aumaga
Ma so’o se taule’ale’a o tautua i alalafaga

E le iloa mai e Beyonce le faigata o lenei olaga
Le usu i le taeao po ma le ao e asi nai mea fafaga
Fo’i mai fafagu lau tama tui o le la’a i le ma’umaga
Malie i le lagalaga ma’a aua e le i malamalama

Taunu’u atu i uta siaka muamua au mea gaoia
O koko o talo o popo o fa’i oka se le manuia
Se’i ma le sefululua fa’apapa i le le fiafia
Ma’imau ai ututau na fa’atau i fagupia

E lau afioga e oe lea e fa’alogo mai
O lea o sou manatu fai mai sau fika
Fai mai le Tusi Paia o le aso na ia faia
E tatou te olioli ma fiafia i ai (nofo)
Ua amata o le lafo e le i te’a atu le pogisa
Se i fai se galuega manu e le’i alu a’e ave o le la
Ua amata ona sinasina ifo o le afu i le palapala
Ae fai nei mea uma male le fiafia

Pei o se ata fa’asolo ta’amilo i si o’u mafaufau
Le ula lea ua na gaoia a’u talo fai ma le salaga tau
O a’u nei talotaloga ia faitatala lona soatau
Ae se i o’u mauaina e pigi e la’u fanau
Ua ou tomanatu pe sa’o ea nei talotaloga
Pe na sili ea ona ou moe loa fai sa’u malologa
Ala mai i le piliaki tu i le laina mo se ta’aloga
Pe oso loa i le pasi e lama i Salelologa

Aue e lau afioga e oe lea e fa’alogo mai
O lea o sou manatu fai mai sau fika
Fai mai le Tusi Paia o le aso na ia faia
E tatou te olioli ma fiafia i ai

Vaniah Toloa
Proud

Lower Hutt, New Zealand

#1644 Aug 23, 2013
Fa'amalulu atu ua tu'u fa'atasi le verse 4/5 fa'apea ma le 6/7 lima.

Fa'asaoga o le laina muamua o le verse tolu....

Taunu’u atu i uta siaki muamua au mea gaoia....siaki instead of siaka...:)
Proud

Lower Hutt, New Zealand

#1645 Aug 24, 2013
Pe ana mafai

Pe ana avea a’u ma fetu o le lagi
E nofo ita mamao atu ma matagi
Fia manino la’u fa’alogo i pesega
A i latou ua ola fa’afualeva

Pe ana i ai o se mana ia ta ita
E nofo ai i le alititai pei o se i’a
Ma talanoa i ni figota o saoloto
A ou fefe e lafi lilo i mea loloto

Pe ana mafai ona liua ita ma vai
Po o susulu le la ma mitiia ai
Avea ma ao lelea atu maualuga
Pei o agaga ua te’a atu ma faigata

Pe ana avea a’u ma la ua susulu
Pe ua ou goto atu lava ma ou musu
Aua ua mate o la’u lamepa ua pogisa
Fia va’ai atu e i ou foliga

Le talalelei ua salalau solo nei
Fai maia se tala e fa’amafanafana
Fia sola ese mai nei lagona ua ou pologa
Pa’i maia o se tatalo mo manaoga (x2)

Punialava’a


Fa'amalulu atu ou te le o mautinoa lelei le igoa sa'o o le pese. A i ai se isi e silafia ia fa'asoa mai

Fa'afetai lava
Proud

Lower Hutt, New Zealand

#1646 Aug 24, 2013
Proud

Lower Hutt, New Zealand

#1647 Aug 25, 2013
Sa ou nofo va'ava'ai i fetu ole lagi

Sa ou nofo vaavaai i fetu o le lagi
Moomooga e o lo’u agaga ia ta fa’atasi
Ma oe la’u pele filifilia i lo’u mafaufau
Ia ta fa’atasi ma oe la’u honey i ni aso o sau

La ta pele ea se ia e logo maia fa’atutuila
Se’i o’u se’e atu i peau ua fatisisina
O la ta pele ea ta’u maia sau upu mo ita
Aua o a’u na totoma a o oe dear na taliaina

O la’u pele ea ua e iloaina le faigata
O le fia va’ai fia tepa i lau afioga
E fa’apea o ta moomooga i ou foliga
E pei o le susulu mai o le masina ua tu fa’asipa

La ta pele ea se ia e logo maia fa’atutuila
Se’i o’u se’e atu i peau ua fatisisina
O la ta pele ea ta’u maia sau upu mo ita
Aua o a’u na totoma a o oe dear na taliaina x2

OZKI


Original song by Penina o le Tiafau
Proud

Lower Hutt, New Zealand

#1648 Aug 29, 2013
Manua'atele

Manu’atele ma Tutuila ua fa’apuupuuina
Ua sauni nei o le Vine Ula o le a fo’i i Apia x2

Malo ua fa’afetai (ua fa’afetai)
Malo teuteu mai (teuteu mai)
E pei o le upu i le Gatoloai
Ua e fai fo’i ua mafai

O le a le galo Afia
E manatua pea ou foliga
O le a sisi le fa’amalama i Apia
Ma tatalo mai mo Amerika x2

Malo ua fa’afetai (ua fa’afetai)
Malo teuteu mai (teuteu mai)
E pei o le upu i le Gatoloai
Ua e fai fo’i ua mafai

Ia talo lua Tuna ma Fata
O Tutuila lava Aleipata
O le a fo’i Alo ma le ulafala
Tofa soifuaina lava x2

Malo ua fa’afetai (ua fa’afetai)
Malo teuteu mai (teuteu mai)
E pei o le upu i le Gatoloai
Ua e fai fo’i ua mafai

O le a ta fa’atofa
Mesepa i lo ta va
Afai o le vaveao e te taliseu ai
Afiafi ou te faimalaga ai

Malo ua fa’afetai (ua fa’afetai)
Malo teuteu mai (teuteu mai)
E pei o le upu i le Gatoloai
Ua e fai fo’i ua mafai

Teine o le Vine Ula


Matagofie le Au Siva (Tama'ita'i Dance Group Carson). malo sausaunoa.
Proud

Lower Hutt, New Zealand

#1649 Aug 29, 2013
E le valea uma fo'i tamaiti o Salafai

Tele tausaga o ou nofo ma fa’atalitali
Ma fa’alogologo i le ea ta fia maua o se tali
Pe toe maua so’u avanoa se’i fa’amalamalama ai
O le a ea sa’u agasala ua mafua ai

O le a lava se mea leaga ua ou fai
Ua e tuli a’u ma e fai mai ou te toe sau i Salafai
E leai o sau gagana na ou sau gugu lava
Leai fo’i so’u pasese i le pasi ma le va’a

Teine ou te le toe fia manatua
O tama o le motu e le toe fo’i fa’alua
Aua e te toe mafaufau mai ia te a’u
Ua se’i lo’u tusi ou te le toe fo’i atu
Ua ou lauina lau tusi na lafo mai
E le valea uma fo’i tamaiti o Salafai

Ua sa’o lelei o le tala a o’u matua
Na fautua mai ia a’u e va’ai lelei o so’u toalua
E le taua foliga a o amioga ma uiga
O le alofa moni ma vaai lelei lo ma aiga

Ua ou iloa o le mea na i lou mafaufau
E toe avatu a’u i le tou aiga e fai uma suga o feau
Ua ou le lava pologa ae leai o sou alofa
E sili ai o lo’u aiga e umi ai o lo’u ola

Teine ou te le toe fia manatua
O tama o le motu e le toe fo’i fa’alua
Aua e te toe mafaufau mai ia te a’u
Ua se’i lo’u tusi ou te le toe fo’i atu
Ua ou lauina lau tusi na lafo mai
E le valea uma fo’i tamaiti o Salafai

Anusa suga ua tiga fo’i o taliga
I tala ua fai ia a’u pei e leai o so’u aiga
Ou te le kea i ai i le mamao o Salafai
Ua e iloa lava o le motu efai mea mafai

Pule lava oe pe toe fai o sou aiga
Ua ou malie lava i ai e tatala o le ta feagaiga
Ai e le o oe o so’u tofi i lou le fa’amaoni
Aua e pele a’u i feau ma lo’u malosi

Teine ou te le toe fia manatua
O tama o le motu e le toe fo’i fa’alua
Aua e te toe mafaufau mai ia te a’u
Ua se’i lo’u tusi ou te le toe fo’i atu
Ua ou lauina lau tusi na lafo mai
E le valea uma fo’i tamaiti o Salafai

Nato Brothers
Proud

Lower Hutt, New Zealand

#1650 Sep 2, 2013
Baby Nofo Mai

Lou lalelei suga nai ou moomooga
Na e tali mai o lou alofa e le uma
Ae sa’o oe sa e nofo ma lou pologa
Lenei ua e ta’u mai o le a e sola

Baby nofo mai le a se upu sa ou avatu
E fai ma lape o nai o’u manatu
Avea a’u ma vai e fa’amalu i lou fatu
Ai e te le lagona mai lo’u alofa lenei dear mo oe
Na o sou ata se’i o ma momoe
Ua na o oe lo’u au i lo’u loto e

Ae ui i lea ou te onosa’i pea
E i ai se aso fa’ataunu’u lo’u mana’o
Ae manatua e le galo oe e le uma
Ia e iloa e manatua pea ou foliga

Baby nofo mai le a se upu sa ou avatu
E fai ma lape o nai o’u manatu
Avea a’u ma vai e fa’amalu i lou fatu
Ai e te le lagona mai lo’u alofa lenei dear mo oe
Na o sou ata se’i o ma momoe
Ua na o oe lo’u au i lo’u loto e

Ae pau o lea ia e iloa lo’u naunau
E moni e te alu ae le mafai
Lo’u alofa mo oe lo’u au
Se nofo mai ma se’i e ta’u mai
Se mea ou te fai ua e fa’agalo ai
Oh baby ta’u mai

Baby nofo mai le a se upu sa ou avatu
E fai ma lape o nai o’u manatu
Avea a’u ma vai e fa’amalu i lou fatu
Ai e te le lagona mai lo’u alofa lenei dear mo oe
Na o sou ata se’i o ma momoe
Ua na o oe lo’u au i lo’u loto e

Mr Tee
keenbro

Australia

#1651 Sep 2, 2013
Does anyone have the lyrics to "O le malo lea"? also can you tell me the meaning to this beautiful song. My wifes brother chose this song for my wedding. btw im tongan and fiance is Samoan wanna surprise her with a traditional samoan dance.
Boring

Glebe, Australia

#1652 Sep 3, 2013
Proud wrote:
<quoted text>
E leai se afaina o le toe post o pese. E sili lena e maua ai le fiafia o le loto ma le mafaufau i lo'o le fa'aoga sese o le taimi e taufa'aleaga ai i isi usoatagata e le maua ai se fealofani ma se mea aoga.
Manuia le fa'aiuga o le vaiaso.
Sorry I don't quite understand Samoan.
Proud

Lower Hutt, New Zealand

#1653 Sep 4, 2013
keenbro wrote:
Does anyone have the lyrics to "O le malo lea"? also can you tell me the meaning to this beautiful song. My wifes brother chose this song for my wedding. btw im tongan and fiance is Samoan wanna surprise her with a traditional samoan dance.
How can you have a wife and a fiance at the same time?....lol

Tell me when this thread is updated:

Subscribe Now Add to my Tracker

Add your comments below

Characters left: 4000

Please note by submitting this form you acknowledge that you have read the Terms of Service and the comment you are posting is in compliance with such terms. Be polite. Inappropriate posts may be removed by the moderator. Send us your feedback.

Samoa Discussions

Title Updated Last By Comments
How do you tell the difference between Hawaiins... (Mar '09) 1 hr Samdaman 720
Have you seen the Polynesian porn site yet? (Feb '14) 1 hr kt m 12
Maori came from FIJI and Tonga and are Tonga/f... (Oct '12) 2 hr koko ngati 601
Hawaii Kamehameha Royal Family (SAMOAN) (Sep '09) 14 hr SetuDaSoleFromKalihi 97
Does the Ta'alunga still incite joy n pride in ... Dec 24 tongangodz 2
Tongans are Samoans (Jun '13) Dec 24 ufauli 147
Inspirational and Motivational Quotes...Thoughts (Oct '09) Dec 24 Proud 6,093
More from around the web