Proud

Lower Hutt, New Zealand

#1574 Apr 25, 2013
Malolo Ita

Malolo ita i le malu o le afiafi
Pupula a’e o’u mata i le manino mai o le lagi
Maniti nai o’u tino pei a ou ma’alili
O’u manatua loa oe la’u pele ua sili

Oi la’u pele ea aisea ua ala ai ona e fa’apea
Alofa se’i tautala mai po’o a’u ea le pogai
Ta fia fa’alogo i sau upu pa’u mai i lou fofoga mo a’u
Atonu e fai lea ma vai malu i lo’u fatu

Fa’alogoina pea le tausagi mai o manulele
Pe e te le o filo ai ma oe suga o la’u pele
Gasese mai ma le tele o manu fetolofi
Se amuia oe ai o e maua le olioli

Oi la’u pele ea aisea ua ala ai ona e fa’apea
Alofa se’i tautala mai po’o a’u ea le pogai
Ta fia fa’alogo i sau upu pa’u mai i lou fofoga mo a’u
Atonu e fai lea ma vai malu i lo’u fatu

Fa’asolosolo pea o nai o’u mafaufauga
Toe tepa i le amataga o la ta’ua masaniga
I lo’u naunau atu ma le loto fiafia
I ou uiga fa’aauro sa e fa’aalia

Oi la’u pele ea aisea ua ala ai ona e fa’apea
Alofa se’i tautala mai po’o a’u ea le pogai
Ta fia fa’alogo i sau upu pa’u mai i lou fofoga mo a’u
Atonu e fai lea ma vai malu i lo’u fatu x2

Eva Eva Band


Original song by Five Stars
Proud

Lower Hutt, New Zealand

#1575 Apr 25, 2013
Misia Oe Honey

Ua tu’ufua lo’u tulimanu
Ina ua e alu ae tu’ua a’u
Sautia lo’u ieafu i sau malu
Ua leai se mafana i lo’u fa’amalu

Ta te moe i le po ma a’apa atu
Fai mai la’u miti o lo’o e fusi a’u
La ta sasalu ua mamae i le pogisa
O la’u honey e le o moe mai i’ina

Fese’eta’i o lagona ma momo’o
Aue honey e se fusi ita ma fa’amaopo
O le sevi ta’anoa e osi ai o le taulaga
I le Atua o mana’o o la’u honey lava

Misia oe i le ao ma le po
E afua ai ona pupu’e le fa’alepo
Tatali pea le fuisega se i ifo
Le sega e a le Tui Manu’a e le tau ilo

Fese’eta’i o lagona ma momo’o
Aue honey e se fusi ita ma fa’amaopo
O le sevi ta’anoa e osi ai o le taulaga
I le Atua o mana’o o la’u honey lava

Misia oe i le ao ma le po
E afua ai ona pupu’e le fa’alepo
Tatali pea le fuisega se i ifo
Le sega e a le Tui Manu’a e le tau ilo (x2)

Taufau Gardinia Aukuso
Proud

Lower Hutt, New Zealand

#1576 Apr 26, 2013
FALEALILI

Falealili uma i o ma o
Ta fia fa'alogologo i sou leo
Ua a’ave tala o le malo
Ua leai se manu e toe olo

Faalefitu e Falealili ma Aleipata
Fa'apea ma le atu Safata
A e fia fa'atau moa lafo ane sau afa
Ae soia lava le fetu’i ala
E aoga fo'i fa'agatama
E masani ai tupulaga

Fa'amane'ene'e aua le minoi tele
Ae teu le ta'alo ma le loto maulalo
Oli oli malie aua le pisao
Fa'atoa vivini o le toa ina ua malo

Satalo e o le uso na toto
Teuteu ia le itumalo
Fa'alealili e ia maopoopo
O le mea sili lea e malie ai lo'u loto

La ta penina o le auro lea
Oi la ta pulu lipano e po'o fea (auoi)
Oe la'u manamea e le fa'agalo i aso faipea
O lo'u fiafia e ua le gata mai lea

Aloalo malie lou va'a Samoa
I lou sami lanu moana
Ua e ofi atu i le ava
Ma e pesepese i le taulaga
Ua tuana'i o le atuvasa
Ua fetaia'i i le ava fatafata
Samoa e amuia oe
Ua taunu'u ma le manuia lou fa'amoemoe
Fa'amane'ene'e aua le minoi tele
Ae teu le ta'alo ma le loto maulalo
Oli oli malie aua le pisao
Fa'atoa vivini o le toa ina ua malo

Eddie Taualapini.
Proud

Lower Hutt, New Zealand

#1577 Apr 28, 2013
Fisaga o le Olaga



Taufau Gardenia Aukuso
Slimy

Auckland, New Zealand

#1578 Apr 29, 2013
Ole pese kogu a lea e seki e kakou jam jam ai ile afiafi. O Le igoa o Le pese " don't break my pi...oi! E sorry I mean don't break my harrrd :) "

I love you Samoa! Ia kaimi loa ole fufu ma Le moe hehe
Proud

Lower Hutt, New Zealand

#1579 Apr 30, 2013
Tala Tu o le A'au

Beyond the reef where the sea is dark and cold
My love has gone and our dreams grow old
There'll be no tears there'll be no regretting
Will he remember me will he forget?

I'll send a thousand flowers
Where the trade winds blow
I'll send my lonely heart for I love him so
Some day I know he'll come back again to me
Till then my heart will be beyond the reef

Te’a mai le a’au
Magafagafa le vasa laolao
Ua sola lo’u au
Fa’amoemoega le tau

E leai ni loimata
Uma fo’i masalosaloga
Pe na te manatua ita
Po ua fa’agaloina

I'll send a thousand flowers
Where the trade winds blow
And I'll send my lonely heart for I love him so
Some day I know he'll come back again to me
Till then my heart will be beyond the reef

Till then my heart will be beyond the reef

Yandall Sisters
Proud

Lower Hutt, New Zealand

#1580 Apr 30, 2013
Kuli Kuli a Maua

Kuli kuli mai gei
Kuli kuli mai gei
Kuli mai le koeaiga ma si oga kei
Kuli kuli mai gei
Kuli kuli mai gei
Kuli mai ua ga o ipu ua ka’ei

Kuli kuli aga’i o
Kuli kuli aga’i o
Kuli sa’o loa e le ala si oga o’o
Kuli kuli aga’i o
Kuli kuli aga’i o
Kuli maua ai ma le ulupo’o

Kuli kuli agai kua
Kuli kuli aga’i kua
Kuli maua age ai se ma le lo’omakua
Kuli kuli aga’i o
Kuli kuli aga’i o
Kuli sa’o loa i le kogakoko

Milomilo mai kokogu
Milomilo mai kokogu
Mingo mai ai fo’i ma le au fa’apa pomu
Milomilo mai i o
Milomilo mai i o
Milo maua ai ma le au fa’amalo

Kuli kuli mai o
Kuli kuli mai o
Kuli mai fo’i oe ua leva o le po
Kuli kuli mai loa
Kuli kuli mai loa
Kuli mai oe e le kamaloa

Milomilo mai i gei
Milomilo mai i gei
Mimilo mai gai’i le lima o si ou kei
Milomilo mai gei
Milomilo mai gei
Milomilo mai ma fai fa’alelei x3

Ta'i Logoipule
&fe ature=related
Proud

Lower Hutt, New Zealand

#1581 Apr 30, 2013
Fia Ta'oto

Honey se ta te ofo
Po’o afea se aso
Tali ai o mana’o
Paga lenei alofa
Ua na o ni o’u lagona
Leai ni fa’atinoga
Pe ana i ai so’u mana
Ua ou gaoia mai ai lou agaga
Fia ta’oto i ou tafatafa
Fia lagona lou mafanafana
Tali maia la’u pele la’u tausala x2

Se mea a faigata
Le alofa i le tausala
Tiga o na tele o fa’aosoosoga
Le mafai lava o lo’u alofa
Na o oe la’u pele lo’u nei ola

Faigata sou fanoga
Ai ona o lau tautoga
Fa’avae i le alofa
Pei ita o se pologa
Saisaitia i nei lagona
Ua ta fiu i sola
Na o na ou momo’o
Fesiligia le la pe toe oso
Galu o le vasa ua fatitoto
La’au o le vao ua tulolo
La’u pele la’u ipu ua liu toto x2

Se mea a faigata
Le alofa i le tausala
Tiga o na tele o fa’aosoosoga
Le mafai lava o lo’u alofa
Na o oe la’u pele lo’u nei ola

Fia taoto i ou tafatafa
Fia lagona lou mafanafana
Tali maia la’u pele la’u tausala

Se mea a faigata
Le alofa i le tausala
Tiga na tele o fa’aosoosoga
Le mafai lava o lo’u alofa
Na o oe la’u pele lo’u nei ola

Ua na o oe la’u pele lo’u nei ola (x2)

Mauto'atasi
&fe ature=related
HAMO

Apia, Samoa

#1582 May 1, 2013
wats up all u hamos out there,malo le ola. all i gotta say is you guys have to check out some of the new one.ole tofi o tamatane,by vaniah toloa and dis oda aigaoi song.its another version of vaniah's tamatane song.i promise you, you will love it.
Proud

Lower Hutt, New Zealand

#1583 May 2, 2013
Vi’i o Le Malietoa

Aue ua maliliu toa ua maumau ai
O a’upega o le taua sa tau malo ai
Ae ui i lea ia pule mai pea le matai
Na ia aumai na te toe ave’ese ai

La’au e o le vao lenei ua tulolo
Aua ua taia le toa sa tu i Matagiolo
O lana tautua tupu le soifua afu toto
Lona paolo malu ai Samoa potopoto

Aue ua to le timu ua ta’ape papa
Ua tu’umalo le nofo le Tapa’aufa’asisina
Sa e’e i lona nofoa vaevae loloa
Le Malietoa na fa’alogo i ai Samoa

Le Palemia le malo fa’apea Samoa uma
E ua fa’avaeloto le fu’a sa i le taualuga
Manava le Toaali’i sa fai ma tumutumuga
Fa’aifo le na’aloa sili mea le seuga

Le aiga Sa Malietoa ua le tutunoa
Lau asoa ua alu atu ma le va’a loa
Fesili i Fa’ato’ia Vaopipi po’o Poutoa
A leai ua i le nu’u o Maioa

Aue ua to le timu ua ta’ape papa
Ua tu’umalo le nofo le Tapa’aufa’asisina
Sa e’e i lona nofoa vaevae loloa
Le Malietoa na fa’alogo i ai Samoa

Le Ekalesia Kerisiano se’i fa’afetai
Le mavaega na osi i lou taunu’u mai
Le pou o le feagaiga e te Susu ma e’e ai
Le sau o To’oa e te talisua ai

Ua gafoa malama sa sulusulu mai i vasa
Le taeao fou i Mataniu Feagaimaleata
Ua ao Samoa i le tala o le fa’aolataga
Ua te’a le po utu fo’i le toto masa’a

Aue ua to le timu ua ta’ape papa
Ua tu’umalo le nofo le Tapa’aufa’asisina
Sa e’e i lona nofoa vaevae loloa
Le Malietoa na fa’alogo i ai Samoa

Oi aiga e tagi mai ala e
Ia malilie le olaga nei e mavae
O se fua e mamae

Aue ua to le timu ua ta’ape papa
Ua tu’umalo le nofo le Tapa’aufa’asisina
Sa e’e i lona nofoa vaevae loloa
Le Malietoa na fa’alogo i ai Samoa (x2)

Punialava’a
Proud

Lower Hutt, New Zealand

#1584 May 8, 2013
Sei Oriana

Lo’u sei Oriana e sosolo i mauga
E le tupu tele ae taufelefele
Tupua oe mai anamua
Le fuamatala o le vaomatua
Sa tiu ai o Samoana o lo’u sei Oriana

Lo’u sei Oriana (Oriana) e sosolo i mauga
E le tupu tele (tupu tele)ae taufelefele
Tupua oe mai anamua
Le fuamatala o le vaomatua
Sa tiu ai o Samoana o lo’u sei Oriana

Lo’u sei Oriana se’i e sasala mai
E te nofo mai i mauga ma e fa’amaliuliu ai
Taufao oe e teine ma tama
E tau ai o latou sei
Savalivali i le auala
Ma pepese i le Oriana

Lo’u sei Oriana (Oriana) e sosolo i mauga
E le tupu tele (tupu tele)ae taufelefele
Tupua oe mai anamua
Le fuamatala o le vaomatua
Sa tiu ai o Samoana o lo’u sei Oriana

Lo’u sei Oriana o le fuamatala
E talanoa ai tama i le afiafi o evaga
E su’i ula fefiloi pe tu’u fa’asapa
Savalivali i le masina
Ma pepese i le Oriana

Lo’u sei Oriana (Oriana) e sosolo i mauga
E le tupu tele (tupu tele)ae taufelefele
Tupua oe mai anamua
Le fuamatala o le vaomatua
Sa tiu ai o Samoana o lo’u sei Oriana

Samoa College Hostel
HAMO

Cairns, Australia

#1585 May 8, 2013
Tama Samoa wrote:
I love Naumati Lagona - Laga Savea.
sao lelei oe bro,that was 2010's song of the year.its one of the best.at the moment,my favourite is Le tofi o tamatane.anyone know?
jake steed

United States

#1586 May 8, 2013
pee pa pee pa pee pa!
lol i dont know the name but i remember my mom use to sing it. lol
Proud

Lower Hutt, New Zealand

#1587 May 18, 2013
Ave Lo'u Ola Ia Aoga

Ave lo’u ola ia aoga, ia aoga
Le ali’i e i au fe’au
Ave o’u aso ua totoe, ua totoe
E vi’ia ai o lau afio

O lou alofa o lou alofa, ua naunau
E auauna atu ia te oe
Ia e talia o a’u atoa
Ia fai mo oe e fa’avavau

Ave o’u lima ia fai ai, ia fai ai
Mea e aoga ia te oe
Ave o’u vae ia aoga, ia aoga
E femo’ei i au fe’au

O lou alofa o lou alofa, ua naunau
E auauna atu ia te oe
Ia e talia o a’u atoa
Ia fai mo oe e fa’avavau

Ave lo’u leo ia aoga, ia aoga
E tauvivi’i ai ia te oe
O’u laugutu ia aoga, ia aoga
E tala’iina ai au fe’au

O lou alofa o lou alofa, ua naunau
E auauna atu ia te oe
Ia e talia o a’u atoa
Ia fai mo oe e fa’avavau

Ave lo’u loto e fai mou, e fai mou
Ia na o oe e pule ai
Ave lo’u tino ia aoga, ia aoga
E mau i ai o lau afio

O lou alofa o lou alofa, ua naunau
E auauna atu ia te oe
Ia e talia o a’u atoa
Ia fai mo oe e fa’avavau

Fagasa Choir
&fe ature=related
Proud

Lower Hutt, New Zealand

#1588 May 18, 2013
E Maualalo Le Alititai

O aso uma ua faigata i lo’u agaga
Na fa’agalo ou foliga ata’ata
Tainane o se masaniga pei o se ata
Ae ua ou teu mau ai oe i lo’u agaga

O a’u miti e fai i le tulua o le po
O le vai o’ona ua tui ai lo’u loto
Fai mai ua agaleagaina oe
O’u nofo i luga ma tagi ia te oe

Se logo se i tagitagi a o e moe
E musumusu atu ou te alofa ia te oe
Ae paga e maualalo le alititai
Ua na o loimata a o e fealua’i mai

Amuia se ta’ifau ua maua sana ivi
Ta’oto’oto e ai ma mitimiti
A o ita e mafaufau i le Atua
E moemiti ma tagi mo i ta’ua

Se logo se i tagitagi a o e moe
E musumusu atu ou te alofa ia te oe
Ae paga e maualalo le alititai
Ua na o loimata a o e fealua’i mai (x2)

Laumata Meaalofa
&fe ature=related
Proud

Lower Hutt, New Zealand

#1589 May 18, 2013
O oe le Tupu Moni

O oe le tupu moni
Iesu e na o oe
E au le pule tonu
Le pule e ola ai
Le tupu oe o tupu
Ina afio mai
Ia tago i lau pule (i lau pule)
Ina e pule ai

O nu’u o Aferika
Ma Matakasa fo’i
Fa’apei o manulele
Ia latou ise mai
O Ausetalia uma
Ma malo ua fai ai
Atoa ma Niu Silani (Niu Silani)
Ia au fa’atasi mai

Ia pule i Europa (i Europa)
Ma ona nu’u tu tai (tu tai)
Atoa ma Amerika (Amerika)
Ina e pule ai (pule ai)
O malo o Asia
Ia fa’atasia uma ai
I lou malo alofa (malo alofa)
Le malo e ola ai

O atunu’u uma
O tu fa’asalalau
I lenei vasa tele
Ia auai mai latou
O Saina o Iapani
Atoa ma nu’u Melei
Ia auai ma Niu Kini
I lou malo lelei

O tupu uma lava
Faipule ma malo
Ia latou o mai uma
E ifo ia te oe
Ia latou faitaulaga
Ma faia au fe’au
O oe le tupu sili (tupu sili)
Le pule fa’avavau

Ia agi mai matagi (mai matagi)
E fai ma apa’au (apa’au)
Peau e o le sami (le sami)
Fa’avave le feau (fe’au)
O oe le tupu moni
Iesu e na o oe
E au le pule tonu (pule tonu)
Le pule e ola ai
Ia tago i lau pule (lau pule)
Ina e pule ai (ina e pule ai)

EFKS Tulaele Youth choir
&fe ature=related
Proud

Lower Hutt, New Zealand

#1590 May 18, 2013
Pei o le ua ua susu ai

Pei o le ua e susu ai
Le lalolagi nei lalolagi nei
E ola ai ma tutupu ai (tutupu ai)
O mea toto o mea totoina ai

Ia tupu ai le fua lelei
Ua luluina mai luluina mai
Ia fua mai ai ia ta’i selau (ta’i selau)
O fua e aoga o fua e aoga ai

Le Atua e ia fa’apena
Matou loto o matou loto nei
To mai le ua aoga (aoga)
O lou agaga o lou agaga sa x2

Ia fua mai ai ia ta’i selau (ta’i selau)
O fua e aoga o fua e aoga ai
Agaga sa

EFKS Tula’ele Youth choir
&fe ature=related
Proud

Lower Hutt, New Zealand

#1591 May 20, 2013
Papakukui Mai Le Musika



Dr Fonte
Proud

Lower Hutt, New Zealand

#1592 May 20, 2013
Proud

Lower Hutt, New Zealand

#1593 May 20, 2013
LE LAVA FA'ATALITALI



Sons Of Samoa ft. Kas Futialo

Tell me when this thread is updated:

Subscribe Now Add to my Tracker

Add your comments below

Characters left: 4000

Please note by submitting this form you acknowledge that you have read the Terms of Service and the comment you are posting is in compliance with such terms. Be polite. Inappropriate posts may be removed by the moderator. Send us your feedback.

Samoa Discussions

Title Updated Last By Comments
tongan Shane Tilyard knocked out by Kimbo Slice (Jan '13) Tue SuperSamoan 59
Samoans are the best boxers, kickboxers, mma fi... (Jan '14) Tue SuperSamoan 3
Maori came from FIJI and Tonga and are Tonga/f... (Oct '12) Dec 13 Emo 580
How many Samoans are their in NZ? (Feb '12) Dec 13 rangi 54
Samoan women from Samoa take relationships very... (Jan '13) Dec 13 hung up beetch 87
Are Samoan guys more in to us Brown girls? Or o... (May '08) Dec 11 james cook 687
Tui Kanokupolu Salote Tupou - (The Samoan Origi... (Oct '12) Dec 11 fikibutu 494
More from around the web