What is your favorite Samoan song??

[Proud]

Pese Suifefiloi (combination of songs)

Sa ou moe ma taulaga i le vaveao e
Talu lo’u alofa fa’avalea ia oe
Sa ou alu ma fealualua’i i le ala
Pe fetaui ai i ta’ua i le tafa mai o ata

Tamo’emo’e ita i le ala aga’i i sasa’e (toeafe)
Fetaui ma tagata toe fo’i aga’i i sisifo (aue ta’ilo)
E ta’ino’ino i sia mea fa’avalevalea
Ua e valea tele i le lauleva ou te le kea

E fa’apei ona naunau o le mutia i le sau
E fa’apena ona ou naunau ia oe lo’u au
Si au amio malu ma le tauagafau
Ua tuia lo’u fatu ma lo’u mama talu le tu’inanau

Sau sau ia ta o ta evaeva ane i o
Pe ta te nonofo i le malie o si ou loto
Aua nei e toe masalosalo fuga
Pe e te talitonu pe a ta sosola i mauga

Pei o se teu fugala’au tu mai luga o se laulau
I luga o se laulau ua pua’ina o lona manogi e le sau
Liu suavai e nofo ma feliuliua’i
Se mea e mafai ai ona feiloa’i
Ua sousou o le vasa ma ua pesi mai le matagi
Pesi mai le matagi ou te fa’amoemoe ia oe o le lavea’i

Sa fai la’u miti fai mai ua e sau
Ta te talatalanoa i lalo o le la’au
Ae ou te’i ane tepa atu ua leai
Oso loa lo’u manatu ai ua e le kea mai
Se mea a faigata faigata o le alofa pe ana le ma
Pe ana ta masani ea o lea se mea ina a tiga

Tagisia fo’i e La’ulu o se va’a ia goto
O le la ma le masina o lo ua gasetoto
O lo’u pale ua le so’o ua motusia la’u fa’asolo
E le faia so’u loto ae alo ita i le fa’alogo

Aue aue darling soia e te fa’anoanoa
O lo’u alofa lena dear ua e iloa
Tasi lua tolu fa le alofa ae lima i au tautoga
Ua lavea ai o’u mama ma o’u totoga

Ua motu le vae o le sega oi talofa i Samoa
O le sa fai ma pou i lenei galuega
E ma’imau le galuega sa pele i lou agaga
O le tupe lautele ua fai lea ma o’u fa’aola

Uso pele po’o fea o i ai o au tautoga
O si o ta ola mo le ofisa e o aoga
E le ........ filifili sou manatu
Tau ina o le ala o le atu

Sa talo e o le uso na toto
Teuteu ia le itumalo
Falealili e ia maopoopo
O le mea sili lea e malie ai lo’u loto

Oi la’u lupe o le a e sola ma fa’aifo ane i le fafa
O le a e talafulu i le ala na moe ai o le tama
A i ai o ni ou alofa tu’u mai i le fa’asopo’ia
Ma lia’i mai ai o lou solosolo e tofa

Atamu lou mata valea ae le se’i su’esu’e pea
Po’ o se fua o se la’au aina po’o se la’au e fa’asaina
Le olaga e o mala pala talu oe Eva lou tautala
Atamu e po’o fea ea oe ua le seua lau amio

The Golden Ali’is
http://www.youtube.com/watch...

[Proud]

E alofa Mai Pea Le Atua

Po’o anafea ea na le oso ai le la
O anafea na le ao ai
Ae o afea fo’i a pogisa ai pea
Ua le malamalama mai

Po’o anafea ea na e le maua ai
Se ea lelei e manava ai
Ae o afea fo’i a matutu uma ai
Le eleele ua leai se vai

Ua ou mautinoa o lenei mea
Le Atua e alofa pea lava pea
Lo ta a’a i tui na te le tauimasui
E alofa mai pea lava ia

Tupulaga talavou o le a sau meaalofa
Mo Iesu lo tatou fa’aola
Na afio mai i se ala maualalo ma le fa’atauva’a
Mo oe ma a’u ia matala

Ua ou mautinoa o lenei mea
Le Atua e alofa pea lava pea
Lo ta a’a i tui na te le tauimasui
E alofa mai pea lava ia

Na maliu tiga lo ta fa’aola
Mo oe ma a’u ia maua le sa’olotoga
Fa’auta i le tama’i mamoe a le Atua
Na te aveesea a tatou agasala

Ua ou mautinoa o lenei mea
Le Atua e alofa pea lava pea
Lo ta a’a i tui na te le tauimasui
E alofa mai pea lava ia (x4)

Tulaele Youth Choir
http://www.youtube.com/watch...

[Proud]

Ua Alofa Tele Mai Iesu

Ua alofa tele mai Iesu
Ua alofa lou fa’aola
Ua agasala tele a'u
Na tiga ai lou fa’aola
Ua fautua i le tama
Mo a’u nei lou fa’aola
E maua ai maota lelei
E aumai lou fa’aola

Iesu e Iesu
O Iesu lo’u fa’aola
Pe ta te fa’atasi afea
Ma oe lo’u nei fa’aola

Ua tausi mai ia ia te a'u
O ia o lou fa’aola
Ua ia fesoasoani mai
Ua alofa lo’u fa’aola
Ua fa’afofoga alofa mai
O Iesu lo’u fa’aola
E tausia mai e fa’avavau
E ia o lo’u fa’aola

Iesu e Iesu
O Iesu lo’u fa’aola
Pe ta te fa’atasi afea
Ma oe lo’u nei fa’aola x2

Mapusaga Youth Choir
EFKS Christchurch
http://www.youtube.com/watch...

[Proud]

Tatalo o Le Ali’i

Lo matou tama e o i le lagi
Ia paia lou suafa
Ia o’o mai lou malo
Ia faia lou finagalo
I le lalolagi e pei ona faia i le lagi
Ia e foa’i mai i le aso nei
A matou mea e ai
E tatau ma aso ta’itasi
Ma fa’amagalo mai a matou agasala
E pei ona matou fa’amagalo atu
I e ua agaleaga mai ia i matou
Ma aua nei e tu’u i matou i le fa’aosoosoga
Ma e lavea’i ia i matou
Ma e lavea’i matou mai le leaga
Aua e ou le malo
Le mana ma le vi’iga
I ona po ona po nei
E o’o i le fa’avavau

Leone Holy Cross Choir
http://www.youtube.com/watch...

[Proud]

Loimata Maligi

Loimata ua maligi ua ou leiloa po’o le a
Po’o sa’u agasala ea ua e fa’apena
Le maua o se moe na o le manatu ia oe
Ua uma ai lo’u nei fa’amoemoe

Timuga ma le la ou te alu pea
I lo’u alofa ia oe dear
E le mamulu ese lenei avega
Masalo o lo’u alofa fa’avalea

Mauga e mafuli maia se i tanumia ai
Po’o le sami e tumu i i’a feai
Lagona i tino ua o’o mai le vaivai
Ua ou leiloa se mea a fai

Tu’u ia i luga na te fa’asoa
Ou te inu pea i ai aua o la’u tautoga
Se matagi ea se i e aveesea
Lenei faigata i aso uma

Mauga mafuli maia se i tanumia ai
Po o le sami e tumu i i’a feai
Lagona i tino ua o’o mai le vaivai
Ua ou leiloa se mea a fai x2

Richard Parker
http://www.youtube.com/watch...

[Proud]

Samoana

http://www.youtube.com/watch...

Mr Tee Ft ShyGuy & Ben Vai

[Proud]

Samoa

http://www.youtube.com/watch...

Mautoatasi Asuao

[Proud]

Samoa ou te alofa tele ia te oe

Samoa e lo’u atunu’u pele i le loto e
E mitamita lo’u agaga ia te oe
O vaitafe lemu ma le sami e i’ila
Pe a suluia mai e le masina
O atumauga fa’asolosolo
E lafoia o lona paolo i vaituloto
Ou te folaulau ai ma ‘ou lagilagi pese
Ma ou fa’alogo i le tausagi o manulele
Samoa e ou te alofa tele ia te oe
E mitamita lo’u agaga ia te oe

Tiga na ou malaga i atunu’u o papalagi
E le galo mai Samoa i lana masani
E maua fua talo ma fa’i ulu ma ufi ma palusami
Ma sina i’a e ina’i ai
O tagata uma e fealofani
E alofa fua i so’o se tasi
Leitioa molimau mai le tasi Tusitala
O Samoa o le Penina o lenei Vasa
Samoa e ou te alofa tele ia te oe
E mitamita lo’u agaga ia te oe

Samoa e ou te alofa tele ia te oe
E mitamita lo’u agaga ia te oe (oe)
Samoa....

http://www.youtube.com/watch...

Fa'amalulu atu ua le mautinoa le igoa o le aufaipese.

[Proud]

Sorry o le 5th Melody le aufaipese lea....:)

[Proud]

Faiaoga e Lototele Tumau

Faiaoga e lo ta loto naunau
Ia e loto tele tumau
La ta tautoga i tafea i le au
Ne’i ta mele o le Toelau x2

Samoa e usi lau silasila
Ma ia logo fa’atutuila
O le au ta’alo teine o le penisina
E fa’auma o si ou ita

Se’ese’e mai ma le mata ata’ata
Lalelei oe i le vasa
Samoa e pele i lo’u agaga
Ua fai oe ma au pa’aga

Faiaoga e lo ta loto naunau
Ia e loto tele tumau
La ta tautoga i tafea i le au
Ne’i ta mele o le Toelau

Ua atoa tupe i le fala
I le fa’agatama
Ua fa’atasia motu o lenei vasa
O lanu eseese ma gagana

Samoa ua amata ona la’a
Taofi lau tulaga
Manatua le alofa i tupulaga
Ina ne’i laina i le ala

Faiaoga e lo ta loto naunau
Ia e loto tele tumau
La ta tautoga i tafea i le au
Ne’i ta mele o le Toelau x2

TTC
http://www.youtube.com/watch...

[hardly]

Absolute Classics - Enjoy :)

http://www.youtube.com/watch...

http://www.youtube.com/watch...

http://www.youtube.com/watch...

[Proud]

Fisaga o le Olaga

http://www.youtube.com/watch...

Taufau Gardenia Aukuso

[Proud]

La’u fanau

A ou mafaufau i la’u fanau
Maligi ai o’u loimata
I lou fanau mai ma ou uiga e fai
A o pepe lou soifuaga
Sa ou si’ia oe ma fa’amoemoe
I pese e masani ai
A ou lelava mai i a’u galuega
O ou foliga ou te mapu ai

Ia e manatua o ou matua
E alofa moni ia oe
Po’o a faigata ma mea tiga
E fusi oe i o’u lima
Tau ina e iloa ma e mautinoa
A’o i ai oe i lenei olaga
Po’o fea e te i ai ma au mea e fai
O lo’u alofa mo oe e le uma

Ua e matua nei ia e teine lelei
Nei taimi sili ona faigata
Lenei olaga ua fa’atumulia
I agasala ma fa’aosoosoga
Ia e manatuaina nai a’oaiga
Na avatu e ou matua
Le ala i le poto ia teu i lou loto
Le Atua i aso uma

Ia e manatua o ou matua
E alofa moni ia oe
Po’o a faigata ma mea tiga
E fusi oe i o’u lima
Tau ina e iloa ma e mautinoa
A’o i ai oe i lenei olaga
Po’o fea e te i ai ma au mea e fai
O lo’u alofa mo oe e le uma x2

http://www.youtube.com/watch...

[angel]

you helpd me find the song tat i was looking dnx a lot bro helpd me alot...

[Uso]

Lanu auroa

[Proud]

Sua maia le tai

Sua maia le tai e
Sua maia le tai e
Le faiga figota le faiga lili e
Fai mai le lo’omatua e fia ai se faisua
E tausi ai o lona soifua x2

Ua uma na ou fai atu e ‘aua le tufia
O le popo e pa’u po
E ui ina lololo ma suamalie
O le popo a Satani e x2

Tiligi ligi ligi ‘aua e te fia sifi
Tutusa ta’ua na faia e le ali’i
E ta’ilua vae ta’ilua lima
E tasi o le gutu ma le laulaufaiva x2

http://www.youtube.com/watch...

Fa’amalulu atu ua le maua suafa o le aufaipese.

[Proud]

Samoa la'u Pele

Samoa la'u pele
Ou te mitamita ia oe
Itiiti ma fa'atauva'a
Ae ua lauiloa i le atuvasa
Lau aganu'u fa'aaloalo
Tupulaga taofi aua ne'i galo
Ma ia tatou manatua
Samoa lou fa'avae o le Atua

O mo'omo'oga e o tupulaga
Ia tumau pea oe Samoana
Ia avea oe ma o'u sulu
O lo'u sei i lo'u ola

Samoa la'u pele
Ou te le fa'agalo oe
Laufanua lanu lau'ava
Si'omia e le sami tioata
E oso a'e le Matasaua
Le la ua sulugia Samoa uma
A goto ifo loa i Sisifo
Se va'aiga e manitiniti ai lo'u tino

O mo'omo'oga e o tupulaga
Ia tumau pea oe Samoana
Ia avea oe ma o'u sulu
O lo'u sei i lo'u ola x2

Tupulaga Band
http://www.youtube.com/watch...

[Proud]

Uo Moni

O oe o la’u uo moni
E le galo oe i le agaga
Fia fa’atasi pea
Ma oe i lenei olaga
E manatua ai oe
I ou foliga ataata
Laumata fiafia
Amio tausa’afia

Fa’aali maia funa o sou manatu
Pe e te alofa moni ia te a’u
E faigofie ona fa’apu’upu’u
Pe afai ua e musu

Fetu e o le lagi
Figota o le sami
Se'i ta’u maia e se tasi
Po’o fea ea la’u honey
O la’u pele ea
O la’u manamea e to’atasi
O lenei ua mou atu
E aunoa ma se tali

Tofa soifua la’u pele lo’u au
Mo’omo’oga ua le taulau
Motusia talu le tu’inanau
Fia fa’atasi e fa’avavau

Sau ia oe la’u dear
Le lupe lea na ou filifilia
E moni ai le upu tusia
Pupula le gata ae fasia
Se mea a faigata
O lo’u nei fiafia
Ae i’u ina liua
Pei o le vai o Sina

Fa’aali mai funa o sou manatu
Pe e te alofa moni ia te a’u
E faigofie ona fa’apu’upu’u
Pe afai ua e musu

Tofa soifua la’u pele lo’u au
Mo’omo’oga ua le taulau
Motusia talu le tu’inanau
Fia fa’atasi e fa’avavau

Motusia talu le tu’inanau
Fia fa’atasi e fa’avavau

Spawnbreezie
http://www.youtube.com/watch...

Original song by Rosa Pa'epa'e

[Proud]

Talofa

http://www.youtube.com/watch...

The OK Chorale
Palmerston North Boys High School

[Proud]

Tolu Manu Iti

Tolu manu iti sa pepese
Tatou sosola ma fa’atofa
Ua lata mai le taumalulu
Felelei i luga o le sami

Felelei felelei i le malulu
Felelei felelei tasi lua tolu

Talofa i nai manu
Ua momoe i le vasa
Tu’ua ofaga mo se nu’u mafanafana
Felelei pea i le ao ma le po
Leai se malolo

Felelei felelei le malulu
Felelei felelei tasi lua tolu x2

Taunu’u le malaga ua latou osana
Pepese fa’afetai vi’iga i le matai
Fiafia ua mapu i a latou mea’ai
Momoe filemu aua ua vaivai

Felelei felelei le malulu
Felelei felelei tasi lua tolu x2

The Golden Ali’is
http://www.youtube.com/watch...