Hmoob Ib Yam

[YugLosTivThaiv]

Nplooj tsawb tsis yog npluag. Phooj ywg tsis yog kwv luag. Peb Hmoob yeej tsis xav tuag.

Nais Phoo Vaj Pov, Dr. Yaj Daus, Niam Ntawv Yaj Zoob Lwj, Sawv cev Paj Kaub Hawj.

Peb sawv daws puav leej yog Hmoob ib yam vim li cas ho tsis los tuav tes nyob ua ib puab zaum ua ib pawg ua ke tau? Txhua yam vim yog Hmoob txoj kev ntshai. Niaj hnub niam no peb sib hlub sib pab no los yeeb vim yog tim txoj kev ntshai. Hos peb Hmoob tsis xav sib hlub sib pab los yeeb vim yog Hmoob txoj kev ntshai. Piv txwv li tias, "yog luag tuag yus tsis mus pab, ces thaum txog yus tuag luag yuav tsis tuaj pab." Txoj kev uas ua rau peb Hmoob tawg puv ntuj no los tib yam nkaus. Koj tsis xav pab kuv vim koj ntshai tsam kuv ho tau ua tus coj. Kuv tsis xav pab koj vim kuv ntshai tsam koj tau ua tswv. Li ntawd, koj ua dab tsi los kuv thiaj li tsis xav pab. Hos kuv ua dab tsi los koj thiaj li tsis xav pab. Txog thaum kawg peb Hmoob thiaj li ri mus thoob ntuj li niaj hnub niam no.

Peb ua neeg nyob, yog lub ntuj tsis pub lub fwj chim rau yus. Yus txawm muaj zoo laj lim tswv yim npaum li twg los yus mus hais luag yeej tsis mloog thiab tsis yuav. Nej cov uas pab tau tus yuav kev los kuv xav thov kom nej tsis txhob tu tu siab thiab. Ib hnub twg lub zim txwv los txog yus. Hnub ntawm yus thiaj li yuav tau ua.

Qhov uas Nais Phoo Vaj Pov tseem nyob ua peb niam peb txiv niaj hnub no ntawd mas keeb kwm yeej teev muaj tseg tias, "Pov Hwm Yej yog peb Hmoob tus cawm seej" nyob rau tiam no. Cov uas keeb kwm teev tsis muaj ces tsuas yog los ua qauv piv txwv rau peb me nyuam Hmoob kawm tseg xwb. Koj thiab kuv los tib yam nkaus.

Nais Phoo Vaj Pov muaj ib tug npau suav hais tias, "Peb Hmoob yuav kom sib hlub mas hnub twg koj tuag tau hauv kuv tsev hos kuv tuag tau hauv koj tsev. Hnub ntawd, thiaj li yog hnub uas Hmoob sib hlub kawg siab kawg ntsws." Ua nej puas xav li ntawd thiab?

Yaj Daus - Peb cov uas tuaj Yaj Daus tog. Kuv xav thov kom peb ho txawj txo peb lub fwj chim. Tig rov los hlub peb haiv neeg uas yog Hmoob. Yuav ua pab ua pawg ces tos txog hnub muaj lub teb lub chaw, hnub ntawd yuav ua los mam li ua.

Niam Ntawv Yaj Soob Lwj - Peb cov uas muaj tus npau suav tias Hmoob yuav tsum muaj txuj ci ntaub ntawv ib hnub xwb xwb los kuv thov kom peb tsis txhob pheej mus nrhiav teeb meem rau tej niam tej txiv, tej tswv zej tswv zos, tswv teb tswv chaw. Txuj ci cia nyob rau fab txuj ci. Nom tswv fwj chim cia nyob nrog rau tus uas tswv ntuj pub rau nws los tuav. Peb Hmoob lub neej thiaj li yuav zoo caum cuag luag lwm hiav neeg.

Paj Kaub Hawj - Peb cov uas muaj tus npau suav tias lub teb chaws nplog yuav tsum yog teb chaws Hmoob ib hnub xwb xwb mas thiaj li tag los kuv xav thov nej kom ua zoo saib rau ntiajteb neeg txoj cia. Kuv pom nej ib txhia piav txog keeb kwm ntawm lub teb chaws nplog hais "LAOS" los li cas los. Qhov ntawv, kuv kuj nrog nej zoo siab. Tab sis yog neeg ntiajteb thiab Asmesliskas yuav tso cia rau nej ua mas xyov yuav yog thaum twg. Kom nej pom tias ua ntej Asmesliskas yuav mus ntxias neeg ntiajteb cov pawg tsawg kom ua kev kub ntxhov, lawv ua li cas rau lawv lub teb chaws, lawv yuav tsum tau free slave hauv lawv lub teb chaws ua ntej tshaj plaws txhua yam. Nej li npau suav los tib yam nkaus. Niaj hnub no teb chaws Asmesliskas muaj ntau txhiab pua tus American Indian Tribes. Yog yuav kom muab lub teb chaw Asmesliskas no faib rau cov tribes ntawd ua ntej, xav xwb twb txhaum lawm tsis tas yuav kom ua.

Thaum kawg no kuv xav nug nej sawv daws tias nej muaj txiaj ntsig rau haiv neeg Asmesliskas puas npaum li Nais Phoo Vaj Pov? Yog Asmesliskas pab nej, lawv yuav pab rau tus txiaj ntsig dab tsi? Vim niaj hnub no lawv twb tsis xav ev Nais Phoo Vaj Pov tej txiaj ntsig lawm. Yuav ua dab tsi los kuv thov nej tej pab tej pawg uas tseem muaj muaj zog niaj hnub niam no xav kom zoo. Ib tsam nej tsis muaj txiaj ntsim rau peb Hmoob ces peb ho tsis tuaj qw pab nej li niaj hnub no peb qw pab peb niam peb txiv uas yog Txiv Nais Phoo Vaj Pov.

[Tig Toog]

Cov lus nyob rau tsab ntawv no kuj hais tau zoo heev lawm, kuv thov qhuas tus sau no. Vim nws muaj txoj kev xav thiab pom yam zoo. Peb cov niam txiv hmoob thiab cov coj noj coj ua hmoob yuav tau tig rov los sib pab thiab. Sawv daws yuav tau qhib qhov muag los saib, qhib pob ntseg los mloog es sib kho kom peb haiv ho muaj qhov zoo dua zuj zus tuaj. Muab yam phem faus cia yuav tsis pab peb qhov twg mog peb hmoob.

[YugLosTivThaiv]

Nyob zoo,

Ua tsaug ntau ntau uas koj tseem pab nyeem kuv zaj lus uas kuv sau los saum toj no thiab. Kuv cia siab ntsoov hais tias yog peb Hmoob muaj cov nyiam nyeem ntawv li koj thiab kuv wb thiab no tej zaum Hmoob yuav muaj kev to taub nkag siab thiab zam txim. Yuav tsis raug luag neeg txawv haiv dag, ntiav li yav tag los lawm. Txawm li cas los yuav tau mam coj, mam kho, mam pauv, mam hloov kom peb Hmoob neej zoo mus lawm yav tom ntej

Tig Toog wrote:

Cov lus nyob rau tsab ntawv no kuj hais tau zoo heev lawm, kuv thov qhuas tus sau no. Vim nws muaj txoj kev xav thiab pom yam zoo. Peb cov niam txiv hmoob thiab cov coj noj coj ua hmoob yuav tau tig rov los sib pab thiab. Sawv daws yuav tau qhib qhov muag los saib, qhib pob ntseg los mloog es sib kho kom peb haiv ho muaj qhov zoo dua zuj zus tuaj. Muab yam phem faus cia yuav tsis pab peb qhov twg mog peb hmoob.

[YugLosTivThaiv]

Yog koj xav paub tias Niam Ntawv Yaj Soob Lwj yog leej twg no, koj mus saib thiab mloog keeb kwm Haiv Hmoob nyob rau ntawm http://www.mojthem.com/id5.html . Koj yuav pom thiab paub ntau dua li kuv piav qhia koj.

Hmoob Toj Siab wrote:

Yuav yog thaum twg peb Hmoob mas caum cuag peb tus npau suav!!!!...oh!! tshuav ib yam who is this so call Niam Ntawv Yaj Zoob Lwj?..
Ua tsaug,

[HMOOB HLUB HMOOB]

zoo siab thiab ua tsaug rau peb ib tsoom phoojywg hmoob uas to taub mus rau qhov zoo. vam tias peb ntxhua tus yuav muaj kev sib hlub sib pab thiab mojthem nqakab rau hmoob neej pem suab no. ua tsaug ntau

[Hnub]

thov txim, kuv tsis paub sau thiab hais lus hmoob zoo tab sis kuv xav los teb me ntsis.

kuv xav tias peb yuav tsum pauj txiaj ntsig rau cov neeg ua pab peb, tsis hais tias cov neeg ntawv yog Nais Phoo Vaj Pov los yog cov Meskas.

Tab sis tus neeg twg uas ua txhaum lawm ces nws yuav tsum ris nws qhov txhaum ntawv. Tiam sis tus neeg ntawv yuav tsum txhaum tiag, tsis yog lawv tus las iab liam tias nws tau ua tab sis nws yeej tsis tau ua tiag.

[Hmoob Hmoob Vaj]

zoo siab heev ua peb tau tuaj tham peb cov lus zoo rau hauv no heev HMOOB IB YAM yog lawm zoo siab kawg li los peb sib koom tswv yim thiab kuv xav koj nej mus vote tsab petition tso Txiv Nai Phoo Vaj Pov tawm ua tsaug

http://www.petitiononline.com/mod_perl/signed...

[Toua Vang Paj Raus]

Tiam no ntshe peb hmoong yuav tsis nrog luag muaj teb muaj chaw los ntawm tus tswv ntuj txoj kev hlub vim yog:
1. Peb hmoob twb tsis txawj tsis ntse li luag los tseem muaj ntau txoj kev xav.
2. Ntshaw kom tau ua nom raug xaiv tsa los ntawm luag lwm hais neeg, es tsis yog yus cov pej seem rov muab yus tsa ua nom.
3. Thaum raug txog hauv yus tsev neeg mas mam li mob siab cuag yuav tuag es txoj kev pab mam li tawm hauv lub siab tuaj.
4. Peb hmoob txoj kev sib cib nyeej tawv rhau lawm, yog ib tug ua rau us chim lawm mas yeej tso tsis taus tseg, cim ntsoov rau hauv nruab siab mus tsis ploj tag tiam li yeej muab tso pov tseg tsis tau. Qhov no kuj yog ib qhov ua rau peb haiv neeg tsis xav sib pab sib hlub koj tuab nthi.
Ua tsaug ntau uas koj pab nyeem.

[Future]

Toua Vang Paj Raus wrote:

Tiam no ntshe peb hmoong yuav tsis nrog luag muaj teb muaj chaw los ntawm tus tswv ntuj txoj kev hlub vim yog:
1. Peb hmoob twb tsis txawj tsis ntse li luag los tseem muaj ntau txoj kev xav.
2. Ntshaw kom tau ua nom raug xaiv tsa los ntawm luag lwm hais neeg, es tsis yog yus cov pej seem rov muab yus tsa ua nom.
3. Thaum raug txog hauv yus tsev neeg mas mam li mob siab cuag yuav tuag es txoj kev pab mam li tawm hauv lub siab tuaj.
4. Peb hmoob txoj kev sib cib nyeej tawv rhau lawm, yog ib tug ua rau us chim lawm mas yeej tso tsis taus tseg, cim ntsoov rau hauv nruab siab mus tsis ploj tag tiam li yeej muab tso pov tseg tsis tau. Qhov no kuj yog ib qhov ua rau peb haiv neeg tsis xav sib pab sib hlub koj tuab nthi.
Ua tsaug ntau uas koj pab nyeem.

Yeej yog li koj hais thiab ma? tab sis tej lus koj hais nws tsuas yog yav tag lawm xwb thiab yog thaum ub xwb. Vim yav tag peb Hmoob tsi muaj lub hom phiaj zoo txaus.
Tab sis niaj hnub no peb Hmoob twb muaj nom tswv loj sib txig nrog luag lwm hais neeg lawm thiab. Peb cov neeg txawj ntse los muaj coob heev lawm. Suav tsis txheeb li lawm. Qhov tseem tseeb ces yog peb Hmoob los xav kom dav thiab muaj peb lub hom phiaj ua zoo tsaj los siv. Peb yeej yuav muaj teb muaj chaws xwb mog. Thiab nco ntsoov hais tias teb chaws Nplog yav qaum teb yeej tsi yog Nplog li av. Peb Hmoob yeej nyob ua ntej los lawm ntev.
Vim yog peb Hmoob tsi muaj txoj kev ua phem li lwm hais neeg. Mus kav teb kav chaws. Mus tua neeg thiab mus txeeb lug li los ua yus li. Vim yog li no peb Hmoob thaum nyob Suav teb. Peb thiaj li tsi muaj av nrog luag nyob. Vim peb tsuas tiv thaiv peb tej poj niam thiab me nyuam xwb. Peb tsuas tua lawv yog lawv tua peb xwb.
Thov txim yog kuv hais ntau lawm. Tab sis nws yeej muaj tseeb li kuv hais los. Ua tsaug.

[Tsim Tseeb]

Ua neeg nyob yuav ua ncaj thiaj tau ntuj ntoo. Sib faib noj thiab txoos tau ib npoj. Sib faib coj peb haiv neeg thiaj loj. Sib rub tes peb lub neej thiaj tsis xes. Sib fwm peb tsoom npoj yaig thiaj tsis vwm vwm.

Yaj Tsab thiab Vaj Pov yuav tau lees txhaum thiab rov tuav tes thiaj tau zaj zoo dab neeg 300 xyoo saum no. Vaj Pov muaj txiaj ntsig rau Yaj Tsab los Yaj Tsab txiv yeej pab Vaj Pov ntau lawm thiab. Txhob sib thuam tiam sis txhob xyaum dag thiab tsab ntse, cov neeg zoo thiaj poog yus thiab tsis dhuav yus. Nkawv ua yuam kev lawm los peb puav leej hlub nkawv vim nkawd muaj txiav ntsim rau peb Hmoob.

Cov Yaj txhob txws Yaj Tsab mus yaim lum tus pob tw thiab cov Vaj txuag Vaj Pov ua neeg loj paub cai thiab txhob dag noj ntawd cov ruam.

Pab muab xav vim qhov phem txo peb haiv neeg mus lawm tseeb tseeb thiab nce tsis yooj yim.

Tshua KUV HAIV NEEG TIAG.

Tsim Tseeb

[Kim Zeej Xeeb Meej]

Qhia peb haiv Hmoob kom coj tog thiab ua neeg siab dawb vim ntuj nyob qes qes li. Tsuas pub Yaj Tsab thiab Vaj Pov sib tawm tsam xwb. Peb cov yau ua neeg xyuam xim thiab pom meej thiaj nrhiav tau lub peev zog los tswj haiv Hmoob kom muaj meej thiab ncha koob.

Tau xyuam sim mog.

Kim Zeej Xeeb Meej

[MizZ_Hmoob_Tsab]

hell yeah dat is truth... but thov txim vim kuv tsi paub write in Hmoob so yeah....

[HMOOB HLUB HMOOB]

rau ib tsoom hmoob ua hlub thiab ntshua txog:
zoo siab thiab ua tsaug ntau ntau rau peb ib tsoom phoojywg kwvtij hmoob uas tau tuaj sib pab tswv yim rau "hmoob kev vam meej" hauv nov ntxhua hnub. vam hais tias peb yuav tuaj tawm lub zoo tswv yim thiab nrhiav kev ntxhawb rau "peb hmoob kev vam meej xwb" tsis ntxhob tuaj sib cav sib ceg, ntxhob tuaj muab kev cais pab cais pawg (xeem) hauv nov nawb. peb hmoob yog ib pab pawg neeg uas tau ntshaw niam ntshaw txiv, ntshaw kev sib hlub thaj yeej los lawm ntev, yog li thov kom koj, kuv, lawv, thiab peb sawv daws yuav tau sib muaj kev (sib hlub, sib pab, sib ntxhawb, thiab kev sib zam txim kom loj thiab dav ntshaj yav tag rau PEB HMOOB neej pem suab). zoo siab yug los yog hmoob rau tiam no. vam tias koj, lawv, thiab neej los yuav xav ib yam thiab. ua ntej ntshaj, yog hmoob tsis hlub hmoob leej twg yuav los hlub hmoob? tsis npau sua hlo. yog hmoob tsis sib ntxhawb hmoob, mabsua puas yuav tuaj ntxhawb hmoob? ntxhob vam txog. niaj hnub no, peb ib tsoom hmoob raug plojtuag, mag tsim txom nyob ntuj qub qab, yog hmoob tsis pab, puas muaj mab suab nyob qhov twg yuav los ua suab rau hmoob? yeej tsis muaj li. thov nco qab ntsoov mog hmoob hais tias peb hlub koj, nej, thiab lawv kawg nkaus txoj sia. thov kom yawm saub thiab vajtswv ntuj nrog tsom kwm peb HAIV HMOOB us rau txoj kev zoo nkaus xwb.
HMOOB HLUB HMOOB......NEEJ HMOOB THIAJ YUAV NTO KOOB.

[Kim Zeej Xeeb Meej]

Hmoob yeej hlub Hmoob lawm tiam sis Hmoob yuav xyaum ua neeg paub cai thiab txhob ua dej tsas paus, txhob ntshaw ntshaw lub koob vimcov ntse dhuav cov niag ntshaw ntshaw koob vim ua rau peb poob ntsj poob tsim. Cov niag neeg ntsej muag tuab tuab pheej mus mus yaim nplog thiab As Mes Lis Kas pob tw mas ua rau Hmoob xob plaub hau thiab ntshai hom niag neeg tsab ntse no tiag. Txhob hais lus mos mos tiam sis hais lus muaj kuab txhob ntsia saud ntuj xwb ces yus dawm ntoo ces poob qhov ua rau lwm tus Hmoob luag thiab dhuav zus dhau. Ntse kom luag ntshai twm xeeb kom luag poog yus.

Maj mam xav mam ua thiab tsis nplua yus ob txhais taw.

[HMOOB HLUB HMOOB]

YOG LAWM HMOOB YUAV TAU XYUAM XIM RAU NTXHUA FAB THIAB TSIS NTXHOB NOV QAB TEJ KEV SIB HLUB, SIB NTXHAWB, THIAB SIB PAB, HMOOB NEEJ THIAJ YUAV TSIS POOB QAB. NYAB XEEB NEJ NTXHUA LEEJ, THOV KOM PEB IB TSOOM HLUB THIAB NTSHUA LOS SIB PAB NTXHIM KHO PEB HMOOB LUB NEEJ.

HMOOB HLUB HMOOB MUS IB SIM..........

[JujDubKwv]

Zoo siab tau ntsib nej saum huab cua no! Peb Hmoob tus vaj yeej tsis tau xav tias nws yog vaj Hmoob li. Tsuas yog peb Hmoob muab nws los ua peb niam peb txiv li lawm xwb. Thiab zaj dab neeg uas saub tau hais tseg rau Hmoob thaum 1920 ntawd xwb. Tiam sis shawv daws yuav tau xav tias Yawg Vajpov no yeej yog tib tug me nyuam Hmoob uas yog the most qualified person los ua peb niam peb txiv tiag tiag. Tus twg txawm yuav hais ntawm sab ntsujplig los yog sab tib neeg, los kuv tseem xav tias Vajpov tib tug thiaj li yuav coj tau peb Hmoob los nyob uake xwb.

[JujDubKwv]

Ib qho kuv ntshai tshaj plaws yog qhov hais tias vim peb Hmoob lub siab ncaj thiab zoo heev. Xws li peb cov nyob tom nov los yeej ua tuag ntig tua tus Blogliab thiab tus Nyablajliab, tiam sis cov nyob tov los yeej ua tuag nthi tua peb cov nyob tom no thiab. Ces txog thaum kawg peb cov me nyuam Hmoob yuav yog cov tsawg vim peb sib tua peb tuag tag lawm xwb. Tos kuv hais li los niaj hnub niam no tseem zoo li kuv hais. Cov heev tub rog nyob rau teb chaws Blog thiab Nyablaj los yeej yog Hmoob xwb. Peb cov heev heev tom no los yog Hmoob thiab xwb. Kuv ntshai tsam peb tsis muaj noob nyob yeej nyob rau lub ntiajteb no ib hnub xwb.

[JujDubKwv]

Raws li kuv xav mas yog hais tias peb yuav ua teb ua chaw mas peb tsis txhob ua lub tebchaws Blog ntawd xwb. Niaj hnub no lub teb chaws twg los yeej muaj yus cov Hmoob nyob lawm ces sawv daws sib pab sib txhawb kom peb muaj ib tug menyuam nrog tau luag zaum saum lub rooj siab ces lub teb chaws ntawd yeej yog peb Hmoob lawm thiab. Thaum zoo li nov lawm cov tebchaws ntawd yuav yog peb li tag nrho. Xav kom txij no mus thov kom sawvdaws koom siab es pab cov Hmoob Nyablaj, Blog, Shuav, Thaib, Phabmab kom tau ib tug nyob iblub teb chaws ntawd nrog luag zaum tau saum luag lub rooj siab xwb ces peb twb zoo lawm.

[Txawj Suav Vaj]

Ua neeg txhob xyaum dag tsam tus ntse dhuav dhuav yus. Ua neeg ncaj thiaj tsis muaj heev neeg tsim yus. Tus dag mas thaum yav laus lub neej qias neeg heev. Cov neeg lim hiam mas nws yeej raug tsim txom thaum yav laus ua raus lub siab lub ntsws lwj tas. Thov pab qhia Hmoob kom paub txaj muag, txhob lam noj teb chaws thiab dag luag tej xws li ua neeg tsis paub cai es cov neeg tawv dawb thiaj muab cuab muab kaw ua rau ntiaj teb thuam thiab hnyos. Thov txhob muaj qhov qias no ib zaug li. Phem los tsuas cia Sadam Hussein thiab Hitler xwb. Yus muab luag tej ntxhais ua ua es yus tej me nyuam zoo li cov laib xwb thaum yus tuag lawm ces luag hnyos hnyos yus li vim yus tsob noob ua laib liam sim.

Ntuj qes yuav tau ua zoo ntuj thiaj tsis ua npog. Txhob ua phem daim ntaub liab thiab tsis npog yus. Tsuas muaj ib zaug no xwb kom lwm zaus Hmoob cov thawj coj ua neeg tsim txiaj thiab paub txaj muag. Neeg ntsej muag tuab ces kawg mag luag muab cuab.

Xa lus rau sawv daws xyaum ua neeg zoo tiag tiag.

Txawj Suav

[HMOOB HLUB HMOOB]

JujDubKwv wrote:

Zoo siab tau ntsib nej saum huab cua no! Peb Hmoob tus vaj yeej tsis tau xav tias nws yog vaj Hmoob li. Tsuas yog peb Hmoob muab nws los ua peb niam peb txiv li lawm xwb. Thiab zaj dab neeg uas saub tau hais tseg rau Hmoob thaum 1920 ntawd xwb. Tiam sis shawv daws yuav tau xav tias Yawg Vajpov no yeej yog tib tug me nyuam Hmoob uas yog the most qualified person los ua peb niam peb txiv tiag tiag. Tus twg txawm yuav hais ntawm sab ntsujplig los yog sab tib neeg, los kuv tseem xav tias Vajpov tib tug thiaj li yuav coj tau peb Hmoob los nyob uake xwb.

kuv los yeej xav thiab pom li koj hais thiab, tiamsis ib qho uas kuv ntxhawj ntshaj plaws yog vim "TXIV HLOB VAJ PAO" nws laus zujzus lawm xwb. hais hmoob tub txawj ntxhais ntse peb hmoob yeej muaj coob lawm, tiamsis yog dhau ntawm "HLOB VAJPAO" lawm, tsis paub hais tias leej twg thiaj yuav los ua tau hmoob tus coj ntxiv mus thiab thiaj yuav coj ncaj. hmoob ntse tiam no, peb yeej muaj coob lawm, tiamsis tus siab ncaj yuav los pab thiab rub hmoob ua ib pab ib pawg mus rau txoj kev thajyeej, haumxeeb, thiab vammeej. qhov ntshai thiab hmoob ib txwm tuav plig rawv tsis xav kom tau yog: ib tug cob muag haiv hmoob yuav nyiaj, saib nyiaj txiag muaj nqis ntshaj nws haiv neeg, ntseeg lwm haiv neeg es los rhuav tshem nws tsev neeg hmoob. li cas los xij, vam tias peb ib tsoom hmoob ntxhua tus yuav pauv zujzus mus rau txoj kev zoo, ncaj ncees, sib hlub, sib pab, sib ntxhawb, thiab nrhiav kev thajyeeb rau "HAIV HMOOB".

Qhov ua rau kuv zoo siab ntshaj rau lub sijhawm no yog: peb ib tsoom Hmoob pib tham txog lub npe (HAIV) lawm, tsis zoo li yav thaum ub es yog tham txog koj, kuv, thiab tej ntxheeb ze xwb. nws txhais tau hais tias Hmoob yeej sib hlub, sib pab, sib ntxhawb, thiab paub pom txog lwm "HAIV NEEG" txoj kev ua neej lawm tiag.
zoo siab yug los yog ib tug Hmoob rau tiamno.

HMOOB HLUB HMOOB TIAG SEB HMOOB NEEJ PUAS YUAV NTO KOOB..........
LEEJ TWG THIAJ YUAV QUAJ YOG IB TUG HMOOB POOB RAU KEV TXOMNYEM.......KAWG HMOOB XWB PUAS YOG?

THOV KOM HMOOB NTXHUA TUS HO NRO XAV MUS NTXIV.....